«Қазпошта» мерекелік марканы айналымға шығарды

Қазпошта жаңа маркалар шығарып, айналымға қосты. Ол Қазақстанның бала құқықтары туралы конвенцияны ратификациялаудың 30 жылдығына және дүниежүзілік балалар күніне орайластырылған. Естелік пошта блогы бүгін сыртқы істер министрлігінде өткен брифинг барысында таныстырылды. Қазақстандық суретші Максим Еремин салған блоктың дизайны отбасылық бірлікті, әр балаға деген қамқорлықты білдіреді. Жаңа пошта маркасынан 600 дана шығарылған.

Дидар Теменов, СІМ Департамент директоры:

Бұл еліміз үшін айтулы оқиға. Өйткені еліміздің тәуелсіз Қазақстан парламентінің ратификациялаған ең алғашқы халықаралық конвенциясы. Сондықтан бұл құжаттың еліміз үшін рөлі маңызды. Үкімет бала құқықтарын қорғау бойынша жан жақты іс шаралар атқаруда.

Оңғар Алпысбай