Жаңалықтарды Telegram арнамыздан оқыңыз!Түркістан облысының полицейлері екі тәулік ішінде мал ұрлығына байланысты 6 қылмысты ашты. Барымташылардан 114 мал табылған. Мәселен Бәйдібек ауданында тұратын 24 жастағы күдікті жылқыны үйірімен ұрлап кеткен. Шопан болып жұмыс істеген жігіт жайылымнан 24 жылқыны қолды еткен.
Ал Шардара ауданында ұсталған қылмыстық топтың мүшелері шаруа қожалықтарынан қой ұрлап, кейін мал базарда сатқан. Қазір барлық күдіктілер қамауға алынып, тергеу жүріп жатыр. Шығын көлемі шамамен 20 миллион теңге.
Айнұр Әбілқасымқызы
