Жаңалықтарды Telegram арнамыздан оқыңыз!Өзбекстанда ата-аналар енді баласын ұра алмайды, кішкентайлар жан-жақты қорғалатын болды. Ел президенті «Балаларды зорлық-зомбылықтың барлық түрінен қорғау туралы» заңға қол қойды.
Бір жыл бойы заң жобасы түрлі жұмыс топтарының сүзгісінен өтті. Мақсат – зорлық-зомбылықты болдырмау, зардап шеккен балалармен жұмыс істеу, жеткіншектердің өмірі мен қауіпсіздігін қамтамасыз ету. Заңға сәйкес, баланың денсаулығына зиян келтіріп, ар-намысы мен құқығына қол сұғуға, физикалық немесе психологиялық зорлық көрсетуге тыйым салынады. Мұндай әрекетке барғандар қатаң жазаланады, делінген құжатта. Яғни, баланы отбасынан алып қоюдан бастап, ата- ана құқығынан айыру, айыппұл салу, тіпті бас бостандығын шектеуге дейін шара қолданылады.
Базаркүл Отыншиева
