Жаңалықтарды Telegram арнамыздан оқыңыз!Қазақстанның үздік педагогі 1 млн АҚШ доллары көлемінде сыйақы алуы мүмкін. Астанада өтіп жатқан «Nobel» фестивалі мен Педагогтер саммиті аясында үздіктер анықталмақ. Бүгін 50 педагог жұмысы сараланды, ал ертең 10 финалист анықталады. Жеңіп шыққаны халықаралық байқауға қатысады.
Мақсат Құрбенов, «Nobel fest» фестивалінің бас директоры:
Биыл ауқымды байқау ұйымдастырдық. Біз Қазақстанның ұлттық педагогін анықтамақпыз. Финалға шығатын педагогтерге жалпы 20 млн теңге сыйақы тағайындалды. Ал үздік атанғаны 10 млн теңгеге ие болады. Сөйтіп халықаралық байқауға қатысуға мүмкіндік алады. Ол жақта 1 млн АҚШ доллары көлемінде премия қарастырылған.
«Nobel» фестивалі үш күнге жалғасады. Түрлі мемлекеттен келген заманауи ғылымның көрнекті тұлғалары – Нобель сыйлығының лауреаттары, ғылыми Оскар иегерлері, ғалымдар мен психологтар инновация бағытында соңғы технологиялық жетістіктер, жасанды интеллект, нейрожелілердің өзгеруі секілді тақырыптарды талқыға салмақ.
Нұрсұлтан Тілектес
