Жаңалықтарды Telegram арнамыздан оқыңыз!Семейде «Jastar debat cup» пікірсайыс турнирі өтті. Онда лудомания, вандализм және «Таза Қазақстан» тақырыптары бойынша жас спикерлер ойларымен бөлісті. Өңір экологиясын сақтау, қаланы таза ұстау үшін әрбір азаматтың жауапкершілігі, міндеті жайлы ойлар айтылды.
Пікірсайысқа өңір мектептерінің ең белсенді жастары жиналған. Олар жыл бойы жүздеген экологиялық акцияларға белсене ат салысқан. Енді экомәдениетті дамыту үшін тәрбиелік шараларды да үзбей өткізіп тұрмақ.
Елдар Мақсұтов, Жастар ресурстық орталығының директоры:
Жастар арасында экологиялық сауаттылық тұрғысынан өте дұрыс тақырыптардың бірі. Себебі жастардың бойына жастайынан сіңіру үлкен рөл атқарады. Олар керек пікірлерін түртіп алып, жастар арасында дұрыс ой қалыптастырады деген үміттеміз.
Ержан Жақып
