АҚШ-та 600 мыңдай үй циклонның кесірінен жарықсыз қалды

АҚШ-тың Вашингтон штатында сұрапыл циклон соқты. Соңғы мәліметке қарағанда, 600 мыңдай үй мен кәсіпорын жарықсыз қалған және де сағатына 110 шақырым жылдамдықпен жеткен дауылдан ағаштар құлап, көлік қатынасы тежеліп, екі адам қаза тауып, екеуі жараланды.

«Бомба циклон» деп аталатын алапат желден Орегон мен Солтүстік Калифорния штаты да зардап шеккен. Онда да мыңдаған адам жарықсыз отыр. Метеорологтардың айтуынша, мұндай циклон полярлық аймақтан көтерілген суық ауа мен тропикалық ауаның соқтығысуынан пайда болады.

Арыстан Рысбек