Мемлекет басшысы Сербия премьер-министрімен кездесті

Сербия Қазақстанмен тауар айналымын ұлғайтуға, сауда-экономика, көлік-логистика және инвестиция салаларындағы екіжақты ықпалдастықты жандандыруға ниетті. Бұл туралы Мемлекет басшысымен кездескен Сербия Премьер-министрі Милош Вучевич айтты. Ол Белградтың Қазақстандағы саяси және әлеуметтік-экономикалық реформаларды мұқият зерделеп, сондай-ақ бірқатар перспективті бағыт бойынша байланысты нығайту мүмкіндігін қарастырып жатқанын жеткізді. Сонымен бірге, кездесуде «жасыл» технология, қуат көздерін алмастыруға қатысты мәселелері қозғалды. Осы бағытта тәжірибе бөлісуге шақырды. Сонымен қатар екі елде бір-бірінің мәдени күндерін ұйымдастыруды және бизнес-форумдарды тұрақты түрде өткізуді ұсынды.