Жаңалықтарды Telegram арнамыздан оқыңыз!«Экология балалар көзімен». Астанада мектеп оқушылары арасында осындай атаумен сурет байқауы басталды. Балалардың шығармашылығын қолдап, экологиялық мәдениетін арттыруға бағытталған конкурс «Таза Қазақстан» жалпыұлттық акциясы аясында ұйымдастырылып отыр. Қалалық Білім басқармасы мұрындық болған байқауда 5-7 сынып аралығында білім алатын жас суретшілер бақ сынайды. Ерекше туындылар кезең-кезеңмен іріктеледі. Үздіктері Білім басқармасының сайтында жарияланады.
Әділет Рахымтай, байқауға қатысушы:
Мен бұл суретпен бүкіл Қазақстанда осылай таза болса деп ойлаймын. Осылай армандаймын. Өзен сулары, көлдер таза болса деп, қоқыс жатпасын деп ойлаймын.
Қаракөз Тұрмағанбет
