Үндістанның солтүстігін түтін басып, ел демікпеге душар болды

Үндістанның солтүстігінде медициналық төтенше жағдай жариялануға жақын. Мұны Нью-Дели штатының басшысы Атиши Марлена мәлімдеді. Оның сөзінше, ел астанасы мен оған көршілес аудандарда ауаның ластану деңгейі осы маусымдағы ең жоғары деңгейге жетіп, демікпеге шалдыққандар күрт көбейген.

Соңғы мәліметке қарағанда, қазір бұл аймақта 100 метрге көз жеткізу қиын. Ауаның мұнша ластануына Пунджаб, Хариана, Уттар-Прадеш штаттарында сабанның өртелуі, күннің салқындауынан түтіннің тез жайылмауы, құрылыс алаңдарынан көтерілген шаң-тозаң және көліктердің улы газ бөлуі себеп. 

Арыстан Рысбек