Павлодарда рэкетирлікпен айналысқан күдікті ұсталды

Павлодарда құқық қорғаушылардың көптен назарында болған күдікті ақыры қолға түсті. Оған рейдерлік жолмен өндірістік кәсіпорынды тартып алды деген айып тағылып отыр. Соның кесірінен меншік иелері 1 млрд. теңге көлемінде шығынға батқан.

Қазіргі уақытта күдіктінің басқа да қылмыстық оқиғаларға қатысы бары тексеріліп жатыр. Мәліметке қарағанда, ол көбіне жеке және заңды тұлғалардың жылжымайтын мүлкіне қол сұққан. Мамандандырылған тергеу соты күдіктіні екі айға қамауға алу туралы шешім шығарды. Ал оның сыбайласы болуы мүмкін деген тағы бір адам үй қамағында отыр.

Болат Аманбай