Қазақстан студенттері Ресейдегі өнер фестиваліне қатысты

«Гитис-шеберлік сыныбы» халықаралық фестивалінде «Қыз Жібек», «Үйлену» қойылымдары сахналанып, көптің көңілінен шықты. Темірбек Жүргенов атындағы өнер академиясының студенттері фестивальде бақ сынауда.

Халықаралық шарада ТМД мемлекеттерінің өнер ордалары спектакль қойып, тәжірибе алмасады. Басты мақсат - мәдени ынтымақтастықты нығайту және театр өнерін дамыту.

Ирина Жукова, «Гитис-шеберлік сыныбы» фестивалінің жетекшісі:

Қазақстанмен мәдени, рухани байланыс үзілген емес. 2018 жылы алғаш рет фестиваль өткізген кезден бастап Қазақстанның өнер өкілдері үнемі қатысып келеді. Қазақстан өте жоғары деңгейдегі спектакльдерді ұсынады, оның ішінде ұлттық және халықаралық қойылымдар бар. Өнер университеттерімен де әріптестіктің көкжиегі кең.

Индира Бегайдар