Жаңалықтарды Telegram арнамыздан оқыңыз!Қызылордада қаржы пирамидасын құрды деген айппен 34 жастағы әйел 5 жылға сотталды. Ол тұтыну кооперативін құрып, пайызсыз баспана мен автокөлік алып берем деп салымшыларды алдап соққан.
Алаяқ әйелдің арбауына түскен 11 азамат оның ұйымына 17 миллион 600 мың теңге ақша құйған. Қомақты қаржысынан айырылған салымшылар құқық қорғау органдарына шағымданып, сот процесі барысында айыпталушының кінәсі дәлелденді. Ол 5 жылға бас бостандығынан айырылды. Жәбірленушілердің шығыны өтелді.
Әділбек Серікұлы
