Маңғыстаудың туристік аумақтарына қызығушылар саны артты

Әлеуметтік желіде жарияланған Маңғыстау тауларының ерекше көрінісі жұртты таң қалдыруда. Бейнежазбаны ресейлік фотосуретші жариялады. Ол сан мыңдаған жылдар бұрын мұхит түбі болған Бозжыра мен Қызылкүп тауларының таңғажайып көрінісін түсірген.

Бозжыра тауы – Ақтау қаласынан 300 шақырымда орналасқан, Үстірт жазығы шыңдарының бір бөлігі, биіктігі – 250 метр. Ал Қызылкүп - ұзындығы батыстан шығысқа қарай 10 шақырымға, ал ені 8 шақырымға созылып жатқан аласа төбелерден тұрады. Теңіз деңгейінен 268 метр биікте орналасқан. Мұнда ақшыл, сарғыш, қызыл, қоңыр түсті тау жыныстары тамаша үйлесім тапқан.

Аягөз Оралбайқызы