Париж маңында фермерлер шеруі өтті

Францияда фермерлер жаппай шеруге шығып, Париж маңындағы жолды бөгеп жатыр. Ауыл еңбеккерлерін ашындырған - Еуропа одағы мен Оңтүстік Американың "Меркосур" ұйымының сауда келісімін жасау жоспары.

Шерушілердің айтуынша, мұндай келісім Еуропа нарығына арзан импортты көбейтіп, жергілікті фермерлердің өнімін арзандатып жіберуі мүмкін.

Айта кетсек, былтыр қыста Украинадан ауылшаруашылығы тауарларының көптеп келуінен "Қарт құрлықта" дәл осындай жағдай қалыптасып, жүздеген мың фермер бірнеше апта бойы демонстрацияға шыққаны белгілі.

Арыстан Рысбек