Қазақ тілін 1 жылда үйренген дипломат қазақша сұхбат берді

«Қазақтар мен поляктар - тілі, ділі әртүрлі болғанымен, құндылықтары ұқсас халықтар». Қазақстандағы Польша Республикасының уақытша сенімді өкілі Михал Лабенда осылай дейді. «Әлем және біз» бағдарламасында қонақта болған дипломат сұхбатты қазақ тілінде беріп, оны қалай үйренгенін бөлісті.

Михал Лабенда, Қазақстан Республикасындағы Польша Республикасының уақытша сенімді өкілі:

93 жылдары оқуға келдім және орыс тілінде оқу болмағандықтан, қазақ тілінде дайындық факультетіне түстім және 1 жыл ішінде қазақ тілін меңгеріп шығуға тырыстым.

Сондай-ақ дипломат Қазақстан мен Польша байланысын нығайтып тұрған бағыттарға тоқталады. Олардың ішінде білім, туризм салалары бар. Сұхбаттың толық нұсқасын бүгін 17:40-та «Әлем және біз» бағдарламасынан көре аласыздар.

Альбина Әшім