Жаңалықтарды Telegram арнамыздан оқыңыз!Батыс Қазақстан облысында шаруа қожалықтарынан игерілмей жатқан жер телімдері қайтарылды. Шыңғырлау ауданының прокуратурасы 90-нан астам жер телімінің бос жатқанын анықтады. Бір шаруа төрт жылдан бері егістік жерін игермеген. Талдаудан соң ауданы 1400 гектар болатын 4 жер учаскесі мемлекетке қайтарылды. Жаңақала ауданында да заңбұзушылықтар анықталды. Аумағы 8 мың гектар, кадастрлық құны 22 млн теңгеден асатын 5 жер учаскесі мемлекетке қайтарылды. Пайдаланылмаған жер телімдері енді басқа мұқтаж азаматтарға беріледі. Айта кетерлігі, өңірде 25 мың гектар жайылым тапшылығы бар.
Ардақ Мұратқызы
