Түркістан облысында 87 тұрғынды алдап, несие рәсімдеткен күдікті ұсталды

Түркістан облысында полицияның «Киберпол» арнайы тобы қызметкерлері интернет алаяқтық қылмыстарына қатысы бар деген күдікпен 34 жастағы тұрғынды ұстады. Ол 80-нен астам адамға онлайн-несие рәсімдетіп, оны өз пайдасына жаратқан. Яғни жәбірленушілерге ақша қаражаттарыңызды көбейтіп беремін, деп сенімдеріне кіріп, миллиондаған теңге шығын келтірген. Қазір сезіктінің жалпы 87 іске қатыстылығы дәлелденіп отыр.

Гүлнәр Әбдужаппарова, Түркістан облысы ПД баспасөз қызметінің жетекшісі:

Осылайша күдікті 87 адамды өзінің құрығына түсіріп, оларға 337 миллион теңге көлемінде шығын келтірген. Бүгінгі таңда күдікті қамауға алынып, сотқа дейінгі тергеу амалдары жалғасуда.

Айнұр Әбілқасымқызы