Шиеліде жанармай құю бекеті өртенді

Қызылорда облысы Шиелі ауданының орталығында жанармай құю бекеті өртенді. Қызыл жалын жанында тұрған кәсіпкерлік ғимаратты да шарпыған.

Екі қабатты нысан отқа оранып, түгелдей жанып кетті. Өрт сөндірушілер өз өмірін қауіп-қатерге тігіп, жанындағы тағы 20 тонналық бензин резервуарына қызыл жалынды жеткізбей, 360 шаршы метр аумақты алған өртті ауыздықтады. Оқыс оқиғадан орташа дәрежеде күйік шалған жанармай құю бекетінің жұмысшысы ауруханаға жеткізілді.

Әділбек Серікұлы