Елордалық зауыт жылына шамамен 10 мың тонна пластик құбыр шығарады

Елордалық зауыт жылына шамамен 10 мың тонна пластик құбыр шығарады. Мұнда кабельдік желілерді тарту, су мен газ өткізу және кәріз жүйелерін жабдықтау кезінде пайдаланатын құбырлар дайындалады. 5000 шаршы метр аумақта 6 өндіріс желісі орналасқан. Олардың бесеуі полиэтилен, ал біреуі поливинилхлорид құбырын дайындауға арналған. Кәсіпорын басшыларының айтуынша, өнім Қазақстанның барлық өңіріне жеткізіледі.

Бағлан Құдияров, зауыт директоры:

Қазіргі уақытта жаңадан қондырғы алдырып жатырмыз. Өндірістегі өнімді көбейту үшін зауыттың жылдық өндіретін өнімін одан ары екі есеге жоғарылату жоспарымызда бар. Еліміздің ішінде барлық облыстарға өнімдерімізді таратып отырған жайымыз бар. Болашақт экспорттау жағын да жоспарлап, қарастырамыз.

Темірлан Нұрсолтан