Испанияда жауын құйып, 3 мыңдай адам эвакуацияланды

Испанияда тағы да апат. Осы жолы елдің оңтүстігі мен шығысында жауын құйып, тасқын жүріп, ондаған машинаны су алып кетті. Жергілікті төтенше жағдай қызметінің хабарлауынша, Малага провинцииясында 3 мыңдай адам эвакуацияланған. Сонымен қатар кейбір тұрғындарға биік жерлерге көтерілу туралы кеңес берілді. Және де аймақта барлық пойыздар тоқтаған,

Синоптиктердің ескертуінше, Малагамен бірге Таррагона провинциясында 12 сағатта 180 миллиметр жауын түсіп, бірнеше өзен тасып, апат тіпті күшеюі мүмкін.

Айта кетсек, Испанияның Валенсиясында екі апта бұрын осындай апаттан 200-ден астам адам қаза тауып, талай үй мен көпір құлады.

Арыстан Рысбек