Шарын шатқалына шыныдан аспалы көпір салынады

Алматы облысындағы әйгілі Шарын шатқалына шыныдан аспалы көпір салынады. Бірегей жобаның құны – 1,5 миллиард теңге. Құрылысы келесі жылы басталып, екі жылдан кейін аяқталады деп жоспарланған. Жобаға инвестиция тарту көзделіп отыр. Шыны және металл құрылымдардан жасалатын көпірдің ұзындығы – 170 метр, биіктігі 80 метр және 500 адамның салмағын көтере алады. Құрылыс кезінде жергілікті тұрғындар үшін уақытша 120 жұмыс орны ашылады. Көпір қолданысқа берілгеннен кейін туристер ағыны артып, жыл сайын шамамен 65 000 адам келеді деп күтілуде. Әлемге аты шыққан Шарын шатқалы 154 шақырымға созылып жатыр, Алматыдан шығысқа қарай 195 шақырым жерде, Қытаймен шекаралас аймақта орналасқан.

Жазира Оразқызы