Жаңалықтарды Telegram арнамыздан оқыңыз!Елімізде екі күннің бірінде баспана өртенеді. Бір айдың өзінде 130 жағдай тіркелген. Тұрғындар көбіне пеш жағу кезінде қарапайым қауіпсіздік ережелерін сақтамайды. Осылай деген Үкімет басшысы жауапты министрліктер мен жергілікті әкімдіктерге жеке тұрғын үйлерге рейд жүргізуді тапсырды.
Сондай-ақ Премьер-Министр Олжас Бектенов қысқы дайындық шараларына салғырт қараған әкімдіктерді сынады. Оның сөзінше, мұндай оқыс жағдайлардың алдын алу үшін алдымен әлеуметтік осал топ өкілдерін есепке алу қажет әрі олар тұрып жатқан үйге улы газ датчиктерін тегін орнату керек, - деді Премьер-Министр.
Олжас Бектенов, Премьер-министр:
Алайда Жетісу, Ақмола, Ақтөбе облысының және Алматы қаласы әкімдіктерінің бұл бағыттағы жұмыстары мардымсыз екенін атап өткім келеді. 2%-дан 14%-ға дейін ғана қамтылған. Аталған әкімдіктер жұмысты күшейтіңіздер.
Айя Мүтәлі
