Қызылордада оқушы қызды бопсалаған күдікті сотталды

Қызылордада 16 жасар оқушы қызды жезөкшелікпен айналысуға мәжбүрлеген қылмыстық іс бойынша алғашқы күдіктіге сот үкімі шықты. 21 жасар қала тұрғыны жас қызды полиция өкілімін деп қорқытып, ақша бопсалаған.

Ол оқушы қыздың жыныстық қатынасқа түскен фото-бейне жазбасын әлеуметтік желіге таратып жіберемін деп 700 мың теңге талап еткен. Сондай-ақ 35 мың теңгесін сөмкесінен тартып алған. Ол арам пиғылын ұйымдасқан қылмыстық топқа қарсы полиция қызметкері ретінде іске асырмақ болған. Сот үкімімен айыпталушы 4 жыл 6 айға бас бостандығынан айырылды.

Әділбек Серікұлы