Жаңалықтарды Telegram арнамыздан оқыңыз!Шығыс Қазақстан облысында соңғы 5 тәулікте ауа райы құбылып тұр.Таулы аудандарда қарлы дауыл соғып кейбір жолдар жабылды. Риддерде бір айлық мөлшердегі қар жауды.
Олжас Керейхан –Тілші:
Қараша қалың қарымен келді. Соңғы үш тәулікте Қатонқарғай, Марқакөл,Күршім,Алтай аудандарнда қардың қалыңдығы 1 метрге жуықтап қалды. Тіпті Риддер қаласындағы шеткі шағын аудандармен қатынас болмай қалған. Коммуналдық мекемелер барлық техниканы жұмылдырғанымен жолдарды ашып үлгермей жатыр. Ал түңгі уақытта облыстағы бірнеше автокөлік жолдары жабылады. Қазірдің өзінде «Өскемен-Самара-Тарғын» «Теректі-Ұранқай-Төсқайың» бағыттары жабық тұр. Өйткені кейбір аумақтарда қарлы боранның жылдамдығы секундына 20 метрге дейін жетеді.
Абай облысында да ауа райы қолайсыз болып тұр. Бірнеше аудан мен қалада оқушылар қашықтан оқып жатыр. Аягөздегі 12 мектепте , Жаңасемей ауданында екі мектеп оқушылары онлайн оқуға көшті. Ал, Семейде бардық оқушылар мен қоса колледждің 1-2 курс студенттеріне сабақ доғарылды.
Олжас Керейхан
