Алматы облысында оқушылар 2 мың көшет отырғызды

Алматы облысындағы «Шарын» мемлекеттік ұлттық табиғи паркіне қарағайдың 2 мың көшеті егілді. «Таза Қазақстан» акциясына Жаңабай Құдайбергенов атындағы мектеп оқушылары арнайы шақыртылды. Оларға аграрлық университет ғалымдары мен орманшылар ағашты дұрыс отырғызу тәртібін түсіндіріп, іс жүзінде көрсетті. Содан кейін жасөспірімдер тұқымбақты жасыл желекпен көмкеруге атсалысты. Осылайша жеткіншектерге табиғат аясындағы тағылымы мол, тәжірбиелік сабақ өткізілді. Енді олар өз қолымен еккен көшеттерді өздері күтіп баптайтын болады.

Ақбота Мұхаметжанова, оқушы:

Табиғатты сүйетінімізді осы жерде көрсетіп отырмыз. Әрине қазіргі кезде кішкентай ағашты өсіру арқылы қоршаған ортаға өз үлесімізді қосып отырмыз.

Қуаныш Қанатұлы