Жаңалықтарды Telegram арнамыздан оқыңыз!Қазір еліміздің басым бөлігінде қар түсіп, күн суытты. Суықтан тұмау асқынып, респираторлық вирустық инфекциялар өршіп тұр. Әсіресе, балалар арасында тұмау кең таралып жатыр, - дейді дәрігерлер. Ал Қызылорда өңірінде күн суытқалы ЖРВИ-мен 12-мынан астам адам тіркелсе, басым бөлігі балалалар. Биыл таралып жатқан тұмаудың жылдам пневмонияға ұласып кететін қаупі бар дейді мамандар.
Раушан Құлжабаева, жоғарғы санатты интегративті бала дәрігері:
Балаларда биыл вирусты инфекцияның бактериалдық инфекцияға тез таралуы өте жиірек кездесіп жатыр. Яғни, қазіргі вирустық инфекция - асқынуға, пневмонияға акеліп жатқандар көптеп тіркеліп жатыр. Балаларда дене қызу жоғары болады. Катральды белгілер, мұрнынан су ағу, жөтел симптомдары қатты айқын белгілі болады.
Раушан Құлжабаева, жоғарғы санатты интегративті бала дәрігері:
Алдын алу жолдарының ең негізгі көздері осы вакцинада болып тұр. Ауырған күнде де, жалпы вирустық инфекцияның көрінісі ретінде, біз вирустарға қарсы қарапайым клиникалық протокол бойынша емдерді қолданып келеміз. Ал, егер асқынулар болса, сол асқынуға байланысты клиникалық көрінісіне қатысты қажетті ем-домдарды біз қосымша жүргізіп жатамыз.
Динара Жарқынбек
