Павлодар қаласында банкке ұры түскен

Банкке ұры түсті. Бүгін түнде Павлодар қаласындағы Халық банкі бөлімшелерінің бірінде ғимарат қабырғасы ломмен бұзылған. Таңертеңгі 09:30-да полиция оқиға орнына келіп, ғимаратты қоршауға алды. Ресми емес дерекке қарағанда ұрылар банк ішіне кірген. Бірақ неше адам болды, қанша қаржы ұрланды, не жоғалғаны жайлы мәлімет әзірге жарияланған жоқ. Полицияның тергеу тобы ғимарат ішінде әлі жұмыс істеп жатыр.

Жанна Біләлова, ОІІД баспасөз қызметінің жетекшісі:

Ұрлық фактісі бойынша сотқа дейінгі тергеу басталды. Полиция қызметкерлері осы фактіге қатысты күдіктілерді іздестіру шараларын жүргізуде.

Болат Аманбай