Ақтөбеде жол ережесін екі айда 308 рет бұзған

 Ақтөбеде екі ай ішінде жол ережесін 308 рет бұзған жүргізуші ұсталды. Енді ол 11 миллион 500 мың теңге айыппұл төлеуі тиіс. Ваз-2114 маркалы көліктің жүргізушісі жылдамдықты асырып, полицейлердің назарын өзіне аударған. «Қорғау» жүйесі арқылы оның бұған дейін де әлденеше рет ережені ескермегені анықталды. Көлік иесі -35 жастағы қала тұрғыны. Шетелдік нөмірлі автокөлік арнайы тұраққа қойылды. Қазір Ақтөбе қаласы бойынша жылдамдықты өлшейтін жетпіске жуық бейнекамера жұмыс істеп тұр.