Қызылорда облысының тұрғындары эко-марафон өткізді

Қызылорда облысы, Жаңақорған ауданында «Таза Қазақстан» акциясы аясында эко-марафон өтті. Тазалық шарасына мекеме қызметкерлері, белсенді жастар мен қарапайым тұрғындар атсалысты.

Көпшілік «Жашыкөл» су айдынының айналасында шашылған қалдықтарды жинап, қураған шөптерді шапты. Сондай-ақ, осы көлге құятын каналдың екі жағалауынан қап-қап қоқыс шығарылды. Жалпы «Таза Қазақстан» эко акциясы басталғалы жаңақорғандықтар аудан орталығынан тыс 11 тарихи-мәдени орында сенбіліктер өткізіп, игі іске ұйытқы болды. Бүгінде осындай бастамаларға елдімекеннің жасы да үлкені де үн қосып жатыр.

Дүйсенкүл Жүнісова, аудан тұрғыны:

Тазалық бәрімізге міндет. Ол міндетіміз таза ұстау жан-жағымызды. Осы тазалық акциясына барша жаңақорғандықтарды, барша қазақстандықтарды шақырамын.

Әділбек Серікұлы