Жаңалықтарды Telegram арнамыздан оқыңыз!Атырау мұнай өңдеу зауыты әлі толыққанды жұмыс істей алмай тұр. Себебі кәсіпорынның өзегі саналатын баяу кокстеу қондырғысында ақау бар. Нысан осыдан бір ай бұрын жөндеуге жабылған еді. Мердігер өндірістік қондырғылардың барлығын қалпына келтіріп, негізгі бөлігіндегі жұмыстарды аяқтамаған. Қазір зауыт тәулігіне 14 мың тонна мұнай өндіруде. Қараша айы басталғалы 43 мың тоннадан астам шикізат шығарған.
Рахметолла Қапанов, «АМӨЗ» ЖШС Департамент директоры:
Зауыттың іске қосылмай тұрғанының басты себебі реакторларда. Олар 40 жылдан бері пайдаланылып келеді. Сондықтан оны мұқият жөндеу қажет. Бұл жұмыстар бұрынғы мердігердің қолынан келмегендіктен материалдық базасы дұрыс жаңа компанияға тапсырдық. Қазір барлығы жан-жақты анықталып жатыр. Жұмыстардың нақты аяқталу уақыты белгісіз.
Нұрсұлтан Нұрсейіт
