Республикалық жолдарда 23 электрқуаттағыш станция жұмыс істеп тұр

Еліміздегі республикалық маңызы бар тас жолдарда 23 электрмен қуаттағыш станция қолданысқа берілді. Көлік министрлігінің мәліметінше, олар бірнеше трассаның бойында орналасқан. Бүгінде Екатеринбург – Алматы тас жолында 7 станция, Астана мен Петропавлды жалғайтын күре жолда 6 станция бар. Электромобиль тізгіндеген жүргізушілерге жағдай жасалған тағы бір трасса – «Ташкент - Шымкент - Тараз – Алматы». Мұнда бес станция орнатылған. «Алматы - Шелек - Қорғас» және «Алматы – Өскемен» трассаларында екеуден, ал «Астана – Павлодар – Үспен» тас жолының бойында бір станция жұмыс істеп тұр. Алдағы уақытта республикалық маңызы бар күре жолдарда тағы бірнеше станция салу жоспары бар, – деп мәлімдеді Көлік министрлігі. 

Қаракөз Тұрмағанбет