Жаңалықтарды Telegram арнамыздан оқыңыз!Еркін күрестен әлем чемпионы атанған жерлесіміз Нұрқожа Қайпанов бүгін елге оралды. Отандасымыз Албания астанасы Тиранада олимпиадалық емес салмақтарда өтіп жатқан әлем чемпионатында алтын жүлдені еншілеген.
Спортшыны Алматы әуежайынан жақындары мен спорт сүйер қауым ерекше қошеметпен күтіп алды. Нұрқожа Қайпанов 70 келідегі финалдық бәсекеде жапон балуанынан басым түсті. Осылайша, 26 жастағы жерлесіміз - ел тарихында әлем чемпионы атанған екінші балуан. Отандасымыз іріктеу кезеңдерінде Израиль, Молдова, Грузия, Тәжікстан балуандарын уақытынан бұрын ұтты. Қайпанов бұған дейін 2019 жылы Астанада өткен әлем чемпионатының финалында бақ сынап, күміс жүлде иеленген еді.
Нұрқожа Қайпанов, еркін күрестен әлем чемпионы:
Ағайларыма көп рақмет! Солардың аоқасында тактиканы жұрыстап, жеңіске жеттім. 74-ке олимпиадалық салмақта әлем чемпионы атану мақсат. Одан кейін Олимпиадаға дайындық жасауға тырысамыз.
Қуан Нұрақын
