Елімізде 322 мың адам алимент төлеп жүр

Алименттен жалтарғандардың берешегі 33 млрд теңгеге жетті. Бұл туралы Әділет министрлігінің ресми өкілі Талғат Уәли айтты. Республика бойынша қазір 322 мың адам алимент төлеп жүр. Оның 11 мыңы әйел. 7 мыңнан астам борышкерге елден шығуға уақытша шектеу қойылыпты. 3500-ге жуық азамат әкімшілік, 300-ге жуық борышкер қылмыстық жауапкершілікке тартылған.

Талғат Уәли, Әділет министрлігінің ресми өкілі:

322 мың атқарушылық іс бойынша 311 мыңнан астам борышкер ер азамат болса, 11 мыңнан астам борышкер әйел бар. Биыл 7 млрд теңге сомасына алимент бойынша берешек өндірілді. Алимент туралы өндірістердің 95,6% бойынша өндіріп алу ай сайын жұмыс берушілердің бухгалтерлік қызметтері арқылы жүзеге асырылады.

Динара Жарқынбек