Израиль Иранның шабуылына бар күшімен жауап беретінін ескертті

Израиль Иран қайтара шабуыл жасаса, оған қарсы бұрын-соңды болмаған күшпен жауап бермек. Израиль қорғаныс армиясы Бас штабының басшысы Герци Халеви осылай деп мәлімдеді. Өткен аптада Израиль Тегеран маңындағы зымыран шығаратын зауыттар мен басқа да нысандарға соққы берген еді.

Иран бұған жауап беретінін ескертті. Тегеран осы айдың басында Израильге 200-ге таман зымыран жаудырды. Таяу Шығыста қақтығыс былтыр қазанның 7-нде палестиналық Хамас тобы Израиль аумағына шабуыл жасағаннан кейін ушықты.

Арай Төлеген