Өскеменде маңғыстаулықтардың көрме-жәрмеңкесі өтті

Шығыс Қазақстан облысында маңғыстаулық қолөнер шеберлерінің көрме-жәрмеңкесі өтіп жатыр. Екі өңірдің өзара мәдени ынтымағын нығайту мақсатында ұйымдастырылған шарада мұнайлы түбектің әр салада еңбек етіп жүрген шеберлердің дүниесі қойылды. Көрме-жәрмеңкеге ұлттық нақыштағы киім-кешек және күміспен күптеліп, алтынмен апталған зергерлік бұйымдар мен суретшілердің туындысы көпшілік назарына ұсынылды. Тек шеберлер ғана емес, өнер ұжымдары да келді. «Отпан» фольклор ансамблі өскемендіктерге жеті қайқының ән-жырынан шашу шашты.

Ақмарал Зейілова, Маңғыстау облыстық ғылыми-әдістемелік орталығының директоры:

Қазіргі таңда креативті индустрия деген бағыт бар. Сол креативті индустрияны дамыту мақсатында біздің қолөнершілерді мынау шығыста жатқан туыстарға таныту мақсатында, жалпы біздің өнерімізді маңғыстаулық қолөнершілердің бұйымдарын насихаттау мақсатында келіп жатырмыз.

Олжас Керейхан