Өзбекстанда парақорлық азайғанымен мемлекет қаржысын жымқыру көбейген

Өзбекстанда парақорлық азайған. Есесіне мемлекет қаржысын жымқыру деректері артып барады. Биылғы 9 айда халыққа зейнетақы мен жәрдемақы ретінде таратылуы тиіс 5 миллиардтан астам сум ұрланған. Бұл біздің ақшаға шаққанда 200 млн теңгеге жуықтайды. Бас прокуратураның мәліметінше, алаяқтарға қатысты 63 қылмыстық іс қозғалған. Жалпы елде жұмыспен қамту саласындағы заңнаманы бұзғаны үшін 1 200-ге жуық адам әкімшілік және қаржылық жауапкершілікке тартылды. Талан-таражға түскен 2,5 миллиард сум мемлекет есебінен өндірілді.

Базаркүл Отыншиева