Ризабек Айтмұқан жастар арасында әлем чемпионы атанды

Ризабек Айтмұқан еркін күрестен әлем чемпионы атанды. Албания астанасы Тиранада өткен 23 жасқа дейінгі жастар арасындағы әлем чемпионатында отандасымыз 97 келіде белдескен.

Жартылай финалда Ризабек ресейлік Шамиль Имам Гаджалиевтен басым түсті. Ал ақтық кезеңде Иран палуаны Махди Морафаны тізе бүктіріп, алтын иегері атанды.

Айта кетейік, Ризабек былтыр Белградта ересектер арасында, биыл Понтеведра қаласында 20 жасқа дейінгі палуандар арасында үздік болған.

Осылайша, ұлттық құрама спортшысы 3 түрлі жас санатында әлем чемпионы атанған тұңғыш қазақ палуанына айналды.

Темірлан Нұрсолтанов