Қостанай облысында ашылған балабақша кезек мәселесін жойды

Қостанай облысының Әулиекөл ауданында Республика күніне орай жаңа балабақша пайдалануға берілді.

Балабақшаның құрылысына 1,3 млрд миллион теңге жұмсалған. «Халық» қайырымдылық қоры демеушілік танытқан. Аталмыш қор Қазақстанда осындай 120 жобаны қаржыландырып отыр. Балабақшада 12 топта 1 жастан 6 жасқа дейінгі бүлдіршіндер тәлім алады. 80-ге жуық тәрбиеші жұмыспен қамтылған. Қаржы құйған қайырымдылық қоры балабақшаны аудандық білім бөлімінің атына аударды. Қостанай облысында жыл аяқталғанша тағы 11 мектеп пен 7 балабақша қолданысқа берілмек.

Досбол Құсайынов, Қостанай облысы Әулиекөл ауданы білім бөлімінің басшысы:

Бұл балабақшаның ерекшелігі 1 жастан 5 жасқа дейінгі балаларды қабылдайды. Негізінен 1 жастағы, 2 жастағы балаларды осы балабақшаға қабылдап, ата-аналары жұмысқа шыға алады.

Дәренбек Әбдібек