Президент Қазақстан халқын Республика күнімен құттықтады

Егеменді ел екенін әйгілейтін ұлық мейрам — сан ғасырлық тарихы бар мемлекеттілігіміздің қайта жаңғыруының символы. Мемлекет басшысы Қасым-Жомарт Тоқаев, Қазақстан халқын Республика күнімен құттықтауында осылай деді. Президент мейрамның мән маңызына тоқтала келе:

«Біз берекелі бірлік пен ырысты ынтымақтың арқасында аса күрделі сын-қатерлерді еңсеріп, ауқымды өзгерістерді жүзеге асырып келеміз. Қоғамдағы заң мен тәртіп, азаматтардың еңбекқорлығы мен кәсіби біліктілігі қазіргі реформалардың берік тірегіне әрі қозғаушы күшіне айналды. Біз болашаққа нық сеніммен қарап, Әділетті Қазақстанды құру жолында нақты қадамдар жасай береміз», - деді Президент.

Азамат Нұғыманов