Анкара Сирия мен Ирактың солтүстігінде әуе операциясын жүргізді

Соңғы мәліметтерге сай, Түркия астанасы Анкарада болған лаңкестік әрекеттен 5 адам қаза тапты. 19 адам ауруханада жатыр. Олардың екеуінің халі мүшкіл. Түркияның ішкі істер министрІнің мәлімдеуінше, шабуылға елде тыйым салынған Күрдістан жұмысшы партиясы жауапты болуы мүмкін.

Теракт жасаған екі адамның көзі жойылған. Олардың біреуі - әйел. Оқиға «Тусаш» түрік аэроғарыш компаниясы ғимаратының кіреберісінде болды. Шабуылдаушылар алдымен жарылғыш затты іске қосып, кейін атыс басталған. Бұл оқиғадан кейін Түркия ұлттық қорғаныс министрлігі Сирия мен Ирактың солтүстігінде әуе операциясын жүргізді. Операция барысында 32 нысан жойылған.

Арай Төлеген