Су тасқынын спутниктің көмегімен болжауға болады

Ал су тасқынын болжауға спутник көмектесе алады. Қазақстанның жер көлемі үлкен болғандықтан, оның әр нүктесінен ақпарат алып, бақылау қиынға соғады. Сондықтан, жасанды серіктің көмегімен түрлі аймақтарды зерттеп, су көлемін анықтауға болады. Нидерланд елінен келген сарапшылардың пайымы осы.

Фредрик Хьютоф, Нидерланд корольдігі апат қаупін азайту тобының жетекшісі:

Біз Қазақстанда су тасқынын болжау үшін спутниктің көмегімен ақпарат алу әдісінің енгізу жолдарын қарастырып жатырмыз. Қазақстан сияқты елдерде бұл мәселеге қатысты шешімдерді әр өңірдегі қауіптерді тыңғылықты зерттеп қабылдау керек.

Николь Юнгерманн, HKV Lijn in Water компаниясының аймақтық суды басқару жөніндегі кеңесшісі:

Ел бойынша су тасқыны туралы халыққа алдын ала хабар беретін жүйе болу керек. Алайда Қазақстанның жер көлемі өте үлкен. Сондықтан да, бұл жүйенің де әр өңір бойынша әдістемесі болған абзал. Сонда әр аймақ туралы деректер ескеріледі. 

Темірлан Нұрсолтанов