Елордада Жошы ұлысының 800 жылдығына арналған көрме басталды

Астанада Жошы ұлысының 800 жылдығына арналған «Алтын Орда кезеңінің тарихи-мәдени мұрасы» атты көрме ашылды. Шара Мәдениет және ақпарат министрлігінің қолдауымен бастау алды. Қарулы күштерінің Әскери-тарихи көрмесінде еліміздегі 6 музейдің құнды жәдігерлері жинақталған. 1 айға жалғасатын көрмеде Алтын Орда кезеңіне тән кесенелердің кірпіштерін, сол заматтағы тұлғалардың балауыз мүсіндерін, Жошы хан кесенесінің құббасын, Сарайшық қаласынан табылған құмыралар мен ыдыс-аяқты, монеталар мен тарихи қолжазбалардың көшірмелерін тамашалауға болады.

Әлібек Күзербаев, «Ұлытау» ұлттық тарихи-мәдени және табиғи музей-қорығының директоры:

Біз басқа музейлер мен музей қорықтарында шақырдық. Мысалы, мемлекеттік тарихи-мәдени қорығы өзінің заттарын қоюда. Қарағанды облыстық тарихи өлкетану музейі, Жезқазған-Сәтбаев атындағы тарихи өндірістік музейі. Бұл музейлердің барлығы өздерінің қорындағы Алтын Орда тарихына қатысты жәдігерлерді әкеліп қойды.