Павлодар облысында көпбалалы отбасылар үйлі болды

Қазір ауылды жерлерге мемлекет тарапынан ауқымды қолдау жасалып жатыр. Мәселен Павлодар облысының Шарбақты ауданында көп балалы алты отбасы жаңа баспанаға қоныстанды. Биыл өңірде үй кезегінде тұрған жандарға барлығы 800 пәтер сатып алу жоспарланған. Оның 313-і ауылдық жерлерде.

Галкино ауылының тұрғыны Бибітгүл Ивин бес баланың анасы. Ол жалдамалы үйде 10 жылдан аса тұрған. Енді аудан орталығындағы жайлы пәтерге көшіп келеді. Балалардың жәрдемпұлы мен мемлекеттің демеу қаржысына қарап отырған оның бұл жақтан жұмыс табылар деген үміті бар.

Бибітгүл Ивин, көп балалы ана:

Өзіміз сенбедік. Осында келіп барып сеніп отырмыз. Қуаныштымыз осындай үйлі болып жатқанымызға. Біз сияқты аналар үйлі бола берсін! Осындай үйлер бұйыра берсін барлық отбасыларға!

Болат Аманбаев