Астанадағы партия ғимаратына өте үлкен ту ілінді

Ұлттық мереке – Республика күні қарсаңында «Amanat» партиясы Орталық аппаратының ғимаратына көлемі 24 те 12 метр болатын Мемлекеттік Ту ілінді. Саяси ұйым мүшелерінің айтуынша, бұл бастама тұрғындардың бойында патриоттық сезімді оятады. Жалпы «Amanat» партиясының «Жастар Рухы» жастар қанаты осымен 3 жыл қатарынан көк байрағымызды насихаттау үшін «Менің Елім – менің Туым» акциясын өткізіп келеді. Биыл ел бойынша 10 мыңнан астам Ту ілу жоспарланған. Оған депутаттар, қоғам қайраткерлері мен белсенді жастар қатысады.

Ақерке Ескендірова, «Amanat» партиясы «Жастар рухының» төрағасы:

Дәл осы еліміз үшін маңызды матчтарда, еліміз үшін маңызды оқиғаларда, жақында Көшпенділер ойыны аясында өткен Димаш Құдайбергеннің концертінде желбірген ту енді осы елордамыздың ортасындағы ғимаратта тұрғындарға патриоттық сезімді беріп тұрады.

Асылбек Данияр