Ақтөбеде студенттер, мектеп оқушыларын пышақтаған

Ақтөбеде студенттер, мектеп ауласында жүрген екі оқушыны пышақтады. Оқиға қазан айының басында болған. Кешкі мезгілде мектеп жанында футбол ойнап жүрген балаларға, сол маңдағы колледждердің бірінде оқитын студенттер келіп, жанжал туындаған. Оның аяғы төбелеспен аяқталып, екі оқушы жамбас тұсынан пышақталған. Тағы біреуі соққыға жығылды. Оларға медициналық көмек көрсетілген.

Ата-аналар істің созылып кетпей, кінәлілердің бәрі жазаға тартылуын талап етті. Полицияның күдіктілердің қамауға алынғанын хабарлады.

Ерболат Сарқұлов, облыстық полиция департаменті баспасөз қызметінің жетекшісі:

Оқиғаға қатысушылар анықталып, полиция бөліміне жеткізілді. Бұзақылық фактісі бойынша сотқа дейінгі тергеу басталды. Күдіктілердің екеуі уақытша ұстау изоляторына қамауға алынды.