Сенат пен Мәжіліс «Таза Қазақстан» акциясына қатысты

Сенат депутаттары сенбілікке қатысып, Астананың орталығында ағаш отырғызды. Игі іске депутаттар мен Палата Аппаратының қызметкерлерінен бөлек, Сенат жанындағы сарапшылар клубының мүшелері және Талдау мектебінің түлектері де атсалысты. Президенттің бастамасымен қолға алынған «Таза Қазақстан» экологиялық акциясына Мәжіліс депутаттары да, қатысты. Заң шығарушы орган өкілдері Астанадағы Ғашықтар саябағының аумағын көгалдандыруға үлес қосып, Тұран даңғылы бойына алма, мойыл және ырғай көшеттерін отырғызды.

Оңғар Алпысбайұлы