Ақтауда «Таза Қазақстан» эконауқаны аясындағы кезекті тазалық шарасы «Жылы жағажай» аумағында өтті

Ақтауда «Таза Қазақстан» эконауқаны аясындағы кезекті тазалық шарасы «Жылы жағажай» аумағында өтті. Қаладан 20 шақырым жердегі жағалауда қысы-жазы адам арылмайды. Сондықтан аумақтың тазалығы бірінші орында. Бұл жолы сенбілікке екі жүзден астам адам қатысты.

Мемлекеттік қызметшілер мен белсенді тұрғындар 300 қапшық толы қоқыс жинап, полигонға жөнелтті. Тазалық шарасының соңы эстафеталық жарысқа ұласты. Жеңімпаздарға естелік сыйлықтар берілді.

Зейнеп Серік - қала тұрғыны:

Менің ойымша сенбіліктердің барлығы осылай өтуі қажет. Жай ғана қоқыс жинау деп қарау емес. Мұны өзінің еліне, өлкесіне тигізіп жатқан әсері ретінде және қызығушылықпен болу қажет. Себебі барлығымыз білеміз, қарапайым сенбіліктер күнделікті шығады адамдарды мәжбүрлетіп қойған сияқты. Адамдар жинап жүреді қиыншылықпен. Ал бұл жерде жарыс болғандықтан барлығына қызықты әрі көңілді, осындай сенбіліктердің көп болғаны адамды қуантады. 

Аягөз Оралбайқызы