Шардаралықтар «Ұзын ата» кесенесі маңын тазалады

Түркістан облысының Шардара ауданында тұрғындар «Ұзын ата» кесенесінің маңында тазалық жұмыстарын жүргізді. «Таза Қазақстан» экоакциясына 10 ауылдық округтен 150-ге жуық адам қатысты. Олардың арасында ауданның ақсақалдар алқасы мен белсенді жастары, үкіметтік емес ұйым өкілдері мен жергілікті тұрғындар бар. Шардараның жанашыр тұрғындары осы акция аясында 500-ге жуық ауқымды іс-шара өткізіп, ауылдар мен аудан орталығын түрлі қоқыстардан тазартты.

Мұқан Кемелханұлы, Ұзын ата ауылының тұрғыны:

Осы бағдарламаның өміршең болғаны керек. Мынау жастарымыздың келешекте өсіп өніп, мынау елімізді, жерімізді таза ұстауы үшін бұл өте жақсы бағдарлама болып тұр. Осы болып жатқан бағдарламаға жасымыз, кәріміз, бәріміз атсалысайық.

Айнұр Әбілқасым