Жаңалықтарды Telegram арнамыздан оқыңыз!Шымкентте жылу маусымы кезінде қайғылы оқиғаларды болдырмау үшін тұрмысы төмен 217 отбасының баспанасына дабылқаққыш тегін орнатылады. Олардың барлығы дерлік қыс кезінде көмір жағатын үйлер. Бүгінгі таңда осы топтағы 89 шаңыраққа газ анықтағыш құрылғылар қойылып, 80-ге жуық үйдің мұржасы тазартылды. Мұнан бөлек көмір жағатын 4 мыңға жуық үйді аралап, өрт қауіпсіздігін түсіндіру жұмысын жүргізді. Былтыр қыста онда 11 адам газдан уланып қайтыс болды. Оның төртеуі көмірдің түтініне тұншығып қалған.
Әбдінұр Темірбай, Қаратау ауданы бойынша ТЖ басқармасының инженері:
Әлеуметтік осал топтағы отбасылардың үйлеріне тағы да орнату жоспарлануда. Осы іс шара барысында тек газ анализатор қондырғылары ғана орнатылмайды. Және үгіт насихат жұмыстары жүргізіледі.
Ғани Қалмаханов
