Жаңалықтарды Telegram арнамыздан оқыңыз!Маңғыстауда тұрмыстық қатты қалдықтарды сұрыптап, қайта өңдейтін 3 инвестициялық жоба іске қосылады.
Ақтауда Мәжілістің экология мәселелері және табиғат пайдалану комитетінің көшпелі отырысы өтті. Аталған жобалар келер жылдан бастап қайтарымды қаражат есебінен жұмыс істемек. Жиында одан бөлек, аймақты ауыз сумен қамту мәселесі талқыланды. Мәжіліс депуттаттары Каспий теңізін қорғап, Қошқар ата радиациялық көлін залалсыздандыруға қатысты ұсыныс пікірлерін айтты.
Еділ Жаңбыршин, ҚР Парламенті Мәжілісінің депутаты:
Қошқар ата қалдықтар қоймасында да болдық. Одан басқа біз Жетібай кен орнындағы мұнаймен ластанған топырақты тазалап жатқан өндірісте болдық. Ұлутас карьерлерінің айналасында, Шетпе карьерлерінде болдық. Сол жердегі проблемаларды өз көзімізбен көріп, енді болашақта сол мәселерді шешуді жергілікті билікпен, мемлекеттік органдармен Парламент депуттары қарастырады. Қажет болса заңдарға өзгеріс енгіземіз.
Аягөз Оралбайқызы
